زمان و مکان هیئت قمر بنی هاشم مرند

روز های پنجشنبه , وفات و اعیاد
حسینیه قمر بنی هاشم(ع) - خیابان شهدا
با حضور مداحان و قاریان هیئت
مشخصات مطلب شماره ی 2073 ارسالی توسط مدیر سایت
متن شعر مناجات از سید ابوالفضل عالی نسب(نافذ)
متن شعر مناجات از سید ابوالفضل عالی نسب(نافذ)

ای  دل همیشه وقتوی صرف دعا ایله
اللهی  دوت نظرده عمل بی ریا ایله

کُلّ جهانه سُلطه تاپان بر خدانی گور
گوز یاشوی  ذخیرۀ روز جزا ایله

مرگین  زمانی لحظه به لحظه یاخونلاشور
غفلتده یاتما فکروی ای بینوا ایله

پیک اجل دالنجا دوشوب آختارور سنی
قبرین ایوین دیانتیله با صفا ایله

خشم و عناد شعله سی دنیانی یاندیرار
سعی ایت تواضعیله اوزون سن رها ایله

یا رب بویورموسان چاغرون من ویروم جواب
ئوز لطفویله دردیمیزه سن دوا ایله

محتاج خلق و شخص دنی استمه بیزی
سال باشیم اوسته سایوی رفع بلا ایله

هر چند امر زندگیمیز سختدور خدا
باری او تنگ قبری بیزه دلگشا ایله

گمراه اولوب حق یولونا کج گیدنلری
روز جزاده عدلیله بیزدن جدا ایله

یوخدور الیمده توشه مگر اشک شبنمیم
خاک در حسینی منه توتیا ایله

یا رب طریق حقّی بولورسن ایتورموشوق
تکلیف حق و شرعه بیزی آشنا ایله

یا رب به حق حضرت زهرا بو هیئتی
هر اربعین قوناق شه کربلا ایله

« نافذ » حسین عاشقدور قلبی چاک دور
یا رب اونون نیازلرین سن ادا ایله