زمان و مکان هیئت قمر بنی هاشم مرند

روز های پنجشنبه , وفات و اعیاد
حسینیه قمر بنی هاشم(ع) - خیابان شهدا
با حضور مداحان و قاریان هیئت
مشخصات مطلب شماره ی 2074 ارسالی توسط مدیر سایت
شعر تفسیر سوره حمد از حاج رسول امینی خویی
شعر تفسیر سوره حمد از حاج رسول امینی خویی

ثنا و حمد سزاواره ای آدی یاراشان
سنون آدونله سوزی باشلیرام نشان به نشان
جلال و عزتیوه شأنیوه قسم ورورم
همای رحمتوی کسمه ای خدای جهان

 

سنون گر اولماسا بیر ذره الفتون بشره
حیات نسل بشر بالیقین دوشر خطره
اونعمتیکه وروبسن گرک آلام نظره
سنوندی نطق و بیان جسم و جان بوروح وروان

 

بو تنگ اورکده مکان ورمیشم عظیم آدیوا
اودور دل انس تاپوب حیّ هم قدیم آدیوا
باخاندا شاد اولورام مهربان رحیم آدیوا
که مهرباندی آدون آتیله هم آنادان

 

جهان خلقتین ای مالکی قیامته شاه
پرستش ایلیورم بیر سنی اورکدن الاه
یوخومدی آیری کسیم ور اوزون الهی پناه
حصار امن ده جان ساخلیوم ور امن و امان

 

نه عاشقم گله نه بلبله نه خشک و تره
نه مال و ثروته نه ملکته نه سیم و زره
نه نام و شهرته نه قدرته نه بیر نفره
امید باغلامیشام بیر سنه که یاراولاسان

 

دعامی حقیمه ای حق اوزون اجابت ایله
حقیر بنده وه ای خالقیم عنایت ایله
صراط مستقیم الرحمته هدایت ایله
اولار که نعمت عظما آپاردیلار اوزمان

 

طریق خلق خطاکاری سندن ایستمورم
او یول که واردی گرفتاری سندن ایستمورم
غضبلی اولسا اگر تاری سندن ایستمورم
که منده واردی نه طاقت عذابوه نه توان

 

گدای درگهیوم پادشاهی ورمه منه
ثمر باغشلامیان عزوجاهی ورمه منه
خطرلی خوفلی پیچ و خملی راهی ورمه منه
حیا وحرمتیمی آپارماسین آرادان

 

من ایستورم ایله بیر روزگاری دوز یاشیام
کسیلمیه آدمین اعتباری دوز یاشیام

نه روزگار گوزه کاروانسرا گورونور
گیچور بش اون گونه بوعمر باری دوز یاشیام

ثمر باغشلامیان زندگی نی ایستمورم
هدف بو دور کمکیم اولسا تاری دوز یاشیام

اسیر نفس دنی اولمیام بو جامعه ده
گتیرمیه من ایچون باری خواری دوز یاشیام

فنا جهان که منه جاودانی قالمیاجاق
بو عمر مین سولاجاق نوبهاری دوز یاشیام

گوزوم گورور ایاقیم تربشیر دیلیم دانشور
نقدر ورممیشم اختیاری دوز یاشیام

جلو قیروب گورورم گونده ایو به ایو دولانیر
اجل آتی آپارور ایل تباری دوز یاشیام

گرکدی مزرعهء عمره بذر خیر اکیله
که وار عمل یازانین انتظاری دوز یاشیام

"امینیم"سوزی بی پرده ایستورم دانشام
یازام کتابت ایدم دوز شعاری دوز یاشیام