زمان و مکان هیئت قمر بنی هاشم مرند

روز های پنجشنبه , وفات و اعیاد
حسینیه قمر بنی هاشم(ع) - خیابان شهدا
با حضور مداحان و قاریان هیئت
مشخصات مطلب شماره ی 2090 ارسالی توسط مدیر سایت
شعر عارفانه غزل لبیندن از حاج حسن یعقوبی
شعر عارفانه غزل لبیندن از حاج حسن یعقوبی

مست ایلسه یاریم منی مستانه لبیندن
باشه چکرم باده نی پیمانه لبیندن

درده سالوب هجری منی درمانی تاپولمور
گلسه چاتارام بیرگونی درمانه لبیندن

عاشق اولانون ذکری گرکدور اولا یاهو
بیرحرف اونون چیخمیا افسانه لبیندن

ازبردی منه اسم شریفی گیجه گوندوز
آدین ایشیدوب گلمیشم ایمانه لبیندن

هردم گوزومه جلوه ایدور ساغر لعلی
راضی دگولم که اوپه پیمانه لبیندن

چوخ حسرت اولوبدور منه لعلیندن اوپم لیک
پی در توکوری گوهر دردانه لبیندن

گل بیرده ایدوم بوسه الیندن ایاقیندان
لب اوسته دوشن خالیله جانانه لبیندن

میخانه ده آچسا لبینی نازلی نگاریم
مخمور اولاجاق باده و میخانه لبیندن

(یعقوبیه) گل گلشن حسنونده مکان ویر
مرغ دلینه لطف ایله بیر دانه لبیندن